هو صحيح الحب اعمى او عيون الناس عور

كل مــافي الأرض ينذر بـالـمفـارق والـغيـاب
اللقا والشمس وحـــروف الرسايل والقبور..

وش بقى يوم أكتشفت أن آخر الدرب السراب ؟!
والـبحـر دمـع لـسـواحـل هـاجـرت عـنها الطيور !

مالحزني صوت ؟ مدري هو خطأ والا صواب !
بـس أعـرف أنـي حـزيـن وصـوتـي الـلـيـلـه جـهور

مـن يـدّثر صـوتي الـلـيـله ويكسـب لــه ثـواب ؟!
مـــالـــها يــالشــعر غيرك أنـــت ياجبر الكســـور

يـكـفي أنـي لابـكـيـت بـدونـك أشـعـر بـإرتـيـاب
وكل ماأبكي فيك أشوفك لي عن اللي فيّ سور..

أدري بــيــوتــك عــرايــــا لـكن أوزانـك ثـيـاب
لبّس جـروحـي مـن أحـزانـك وألـبّـسـك الـصـدور...

كــان يــامــا كـــان والنـسيـان للـعـشّـاق بـــاب
عــاشــق ٍ لاشـدّ درفــة بــاب صـاح بـلا شـعـور ...

يـقـدر الـنـسـيـان يـنـزع غــصــن من فوق التراب
بــس مـايـقــدر يــقـــرّب لـــلـــتراب ولـلـــجـــذور..

كـيف أبـنـسى ذكـريات الـطيـش الأول والشبــاب
ورفــقـة الـلـيـل الـعـتـيـقـه وأول الـفـجـر الـطهور..

والــمـواعيـد وشـغـبـهـا والـولـه قـبـل الـعـتـاب
وســاعـة ٍ كـم كـنـت أحـاول فـي عـقـاربـها تـدور..

والـمـكان اللي وهـن سـقـفـه مـن الـفـرقـا وشاب
مــن بـعـد مـكـان يـحـضّــنـا مـثـل طـفـل ٍ غـيــور..

والـمـطر لا لـوّن الشـــارع وقـلـنــا لـلـسـحــــاب
بللّ أيدينا تــرى الـــعشّـــاق أيـــاديـــهـــم زهـــور..

كـيـف أبـنـسـى والـريـاض لـسـيـرتـي مـثـل الـكتاب !
حــافـظـتـني بـيـت بـيـت و حـي حـي و دوُر دوُر

مـن كـثـر مـاكـنـت أدوّر فـي شـوارعـهــــا جـــــواب
هو صحيح الحب أعــمى !أو عيـون النـاس عــور ؟!

كــنت أشــوف الـحب عذب وهـم يـشـوفـونـه عـذاب !
كــان هــذا الـحـب سـر !وقـلـتـه وكـلي ســــــرور

عـلمّونـي فـي الـمـديـنـه كـيـف لاحـبـيـت أهـــاب
لـكـن الـقـريـه قـمـرهـا قـال :كـُـن لـلـحـب نــور...

فـي بـلادي كـنـت عـاشـق بـس شـاعــر بــإغــتراب !
لين صرت الشـاعـر اللـي تـعـشـقـه كـل الـبـحــور

عـلمّـيـني يــالـقـصـايـد هـــو خـــطأ والا صواب ؟!
لارفــضــت أنـسى عـيـون ٍ عـشـتـها شعر وشعور

هـــذا أنـــا لحالي هزيل الحــــال وأشعـــــر بإكتئاب
كـن قلـبـي جـال بـحـر ٍ هــاجـرت عنـه الـطـيــور...

أجرع الفــرقا وأقـــول الـحــب عـــذب وللــعــذاب
كـــل قــــلب ٍ لاحـــرمه الـــوقـــت مـــن خلّه يبور..

ولـيـن هـذا الـيـوم أدوّر فـي الـمـديـنـه عـن جـــواب
ليه في شرعك يكــــون الحــب معنى للفجور ؟!!

» كيف تجذب الناس لك
» شعر حزين ان لم تصن الحب فلا تقربه ابدا
» حلاة الحب تتعذب على شاني
» الحب والبعد
» اجمل كلمات الحب