ياليت يوم انها جفتني من جفاها تستفيد /من اجزاء

روآية : ياليت يوم انها جفتني من جفاها تستفيد
للكآتبه :b7ooor
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البداية
الذوق منك وفيك (( وطيبة القلب ))
هي اللي تحليك ولو قدمت:
((المعزه.. الغلا.. الحب))
هدية .. ماتوفيك
اتخلى عن روحي إذا عنك
تخليت من هو يستاهل...ياخذ مكانك ياحياتي
تفداك العين والروح والقلب قبل لايروح
..................

الجزء الاول
..........................
كانت رهف رايحه في سابع نومه لأنها كانت سهرانه على فلم هندي
وفجأة يدخل عليها أخوها عبد الرحمن
عبدا لرحمن : رهوووووف قومي بسك خستي من النوم قومي وراك جامعه .
صحت رهف وهي مرتاعه
رهف: ها وش صار ؟ من مات ؟
عبد الرحمن وهو يضحك
عبد الرحمن: ههههههههههههههههههه قومي بسك من النوم
رهف: مالت عليك ياالزفت
عبد الرحمن : قومي أمي تناديك
رهف: افففففففففففففففففف الواحد مايعرف ينام في هالبيت
عبد الرحمن: ههههههههههههههه قومي عدلي نفسك لا تروعين امي
رهف : مالت عليك على بالك تنكت حضرتك اطلع بره ............ وقامت دخلت الحمام تسبح وعدلت شعرها
ونزلت ودخلت الصاله وشافت امها جالسه تشر ب شاي
رهف: السلام عليكم .....(عمرها 19)
ام عبد الرحمن: وعليكم السلام واخيرا صحيتي من نومك
رهف: ايه بعدين ولدك يخلي حد ينام
ولايدخل عليهم عبدالرحمن
عبدالرحمن: كأني سمعت اسمي؟؟؟(عمره 22)
ام عبدالرحمن: هلا بولدي أقرب يمه
رهف: الا امي وين ابوي؟
ام عبد الرحمن: راح شغله من الصبح
ودخلت عليهم ود
ود: السلام عليكم( عمرها 24)
الكل:عليكم السلام
ود:اخبارك امي ؟
ام عبدالرحمن: الحمدلله
وجات من بعدها العنود وكان شكلها تحفه
الكل ضحك على شكلها
رهف: عنيد انتي شفتي شكلك قبل ماتنزلين
عنود:لا ماشفته المهم ماما جايعه(عمرها 12)
ام عبدالرحمن:روحي المطبخ سوي لك شي تاكلينه من أمس ماكلتي شي
رهف:لا والله وحنا عيال البطة السوده
عبدالرحمن حب يرفع ضغطها شوي:لا انتي لاقينك في الشارع هلك مايبونك وخذناك رهف:اكرمنا بسكوتك
الكل يضحك عليها وهي ميته من القهر .................................................. ..........
في بيت بو عبدالله صحت ذوق من نومهاوهي كلها نشاط ونزلت تحت ولقت امها وابوها وعبدالله جالسين يفطرون ذوق:السلام عليكم....... وحبت راس امها وابوها
الكل:وعليكم السلام
بوعبدالله:هلابنتي قربي فطري
ذوق:ان شاء الله ........وجلست وياهم تفطر
بو عبدالله:أقول عبدالله شخبار الشغل وياك عساك مرتاح
عبدالله :الحمدلله مرتاح ومبسوط(24عمره)
أم عبدا لله:أقول ياولدي متى تبغانا نملك عليكم أنت وبنت عمك
عبدالله :آآآهـ .. ودي اليوم قبل بكره
ام عبدالله:ههههه.... خلاص انا اليوم اكلم خالتك وأتفق معها
شوق: السلام عليكم( عمرها17)
الكل: وعليكم السلام
وتروح تحب راس أمها وأبوها
بوعبدالله:هلا .....هلا ...... هلا بشمعة البيت هلا بشواقه
ذوق: الله كل هذ ا لشويق وحنا مالنا رب ( عمرها 18)
بوعبدالله:كلكم غالين عندي كلكم بناتي
شوق:فديت بابا خشمك
تحب خشم ابوها
عبدالله: بسكم يايبه تدلعونها بتشوف نفسهاعلينا
شوق :مالك دخل انت
عبدالله: شفت يبه لسانها يبغا له قص
شوق وبكل دلع: باباتي شوفه
عبدالله وهو يقلد شوق: باباتي شوفه
بو عبدالله: بسكم انت وياها وانت خل بنتي فحالها
ام عبدالله: شواقه قومي صحي اختك وأخوك محمد
شوق: انشاءلله يمه
بوعبدالله: الحمدالله
ام عبدالله: ماكلت شي
بوعبدالله: بروح الشغل تـأخرت
عبدالله: انا بعد بروح الدوام مع السلامه
الكل : مع السلامه
.................................................. .....
نرجع لبيت بوعبدالرحمن
رهف:ماميتو انا اليوم بروح السوق مع صديقاتي بشتري اغراض حق الجامعه
ام عبد الرحمن: روحي
شوق: ثانكس ماميتو... بااااااااي
ود: وين بتروحين؟؟؟؟
رهف: ايش دخلك انتي
ود: عن الحركات وقولي
رهف : مالك دخل
ود :بتشوفين إذا ماأدبتك
رهف: بااااااي وموتي قهر مو قايلتلك
وطلعت رهف وتركت ود وراها ميته قهر منها
ود: أقول يمه بنتك وين رايحه؟؟؟؟
ام عبدالرحمن: تقول السوق مع ربعها بتشتري حق الجامعه
ود: طيب يمه انا اليوم بروح بيت خالتي لجوري وماراح اتأخر
ام عبدالرحمن: طيب روحي وسلمي على خالتك
ود: انشاء الله يبلغ
.................................................. ...
في لندن وبالأخص في الجامعه
كان هناك شابين جالسين لحالهم الكل يطالعهم من جمالهم والبنات ميتين عليهم
زياد :اقول ذياب (عمره 23)
ذياب: هلا(23عمره)
زياد: والله اشتقت لأهلي والربع
ذياب: حتي انا ياخوك مدري متى نفتك ونرجع
زياد: اهم شي نرجع وحنا رافعين راس اهلنا
ذياب: انشاء الله ..الله يسمع منك......
شوف مين هناك
زياد: اف هذي ماعندها كرامه
ذياب : ماأتوقع
خلود: هاي شباب
ذياب: وعليكم السلام
خلود: او سوري.. السلام عليكم
زياد: نعم تبغين شي
خلود: وش فيك علي تقول ماكله حلال ابوك
زياد: تخسين إلا انتي
ذياب: نعم تبغين شي
خلود: ممكن اجلس معكم
ذياب: نعم وش قلتي
خلود: اجلس معكم
زياد:لا حنا عندنا محاضره
أوه ذياب قوم محاضرتنا بدت
ذياب عرف انه يبي يفتك منها
ذياب: قوم لانتأخر عن اذنك
خلود: اذنك معك....
والله لاتشوفون وراكم وراكم ياانا يا انتو ياعيال ال.....
زياد: اف منها هذي وين اهلها عنها
ذياب وهو يضحك: ههههههههه وش دخلك فيها خلها تولي
زياد: وانت ليه تضحك انشاءالله عاجبتك حركاتها
ذياب : وش فيك يارجال لاعاجبتني ولا شي بس انت ايش دخلك فيها خلها تولي وامش خلنا نروح عند الربع
زياد: ياالله مشينا
.................................................. ......
وفي بيت صالح
دخل عزام البيت وماشاف حد في الصاله ودخل غرفة امه وشافها تصلي
ام عزام: السلام عليكم ورحمة الله.... السلام عليكم ورحمة الله
عزام: تقبل الله( عمره 22)
ام عزام: منا ومنك صالح الاعمال ...ها يمه متى جيت
عزام: توني جاي
ام عزام : تبغي احطلك الغدا
عزام: يا ليت .. حدي جوعان
ام عزام: روح يا ولدي تروش وبدل ويكون الغدا جاهز
عزام : ان شاء الله....يمه إلا وين مروان ونوره
ام عزام: مروان مع ربعه ونوارا في غرفتها
عزام: وهذا ولدك بس طالع مع ربعه مايقعد معنا مايقول عندي اهل خلني اجلس معهم
ام عزام: ماعليك منه ياولدي انشاء الله بيعقل
عزام: انشاءالله انا اجل بروح اتروش ونازل
ام عزام:ناد نوره يمه
عزام:انشاء الله
وصعد عزام الدرج وراح غرفة اخته
ونوره في ذاك الوقت جالسه تذاكر وتسمع دق على الباب
نوره:ادخل الباب مفتوح(12)
عزام: مرحبا ايش يسوي القمر جالس لحاله
نوره: هلا ... جالسه اذاكر
عزام: شدي حيلك ورفعي الراس جيبي ممتاز
نوره:انشاء الله بس اذا نجحت ابغاك تجيبلي هديه
عزام: تامرين امر كم نواره عندي بس الحين قومي امي تبغاك نزلي لها تحت
نوره: طيب الحين نازله لها
عزام:اوكي ...تبغين شي
نوره: سلامتك
عزام: الله يسلمك
وطلع من غرفت اخته وراح غرفته ودخل الحمام (وانتوا بكرامه) يتروش ولبس ثياب البيت
بعد ماخلص نزل الصاله
وشاف امه واخته وابوه جالسين
عزام :السلام عليكم
الكل : وعليكم السلام
وراح حب راس ابوه
بوعزام: هلا عزام اقرب
عزام: انشاءالله الا مروان مارجع
بوعزام : الا وين ولدك؟
ام عزام:طالع مع ربعه يقول بيتغدا بره
عزام:يمه ولدك بيخترب كذا
بو عزام: كلمه يمكن يسمع كلامك
عزام:انشاءالله اول مايرجع بكلمه وانشاءالله يسمع تدري فيه عنيد
ام عزام: كلمه بالعدال يا ولدي مالنا خلق مشاكل وياه
عزام:أن شاءالله يمه
......................................
في بيت بو عبدالله
جوري: يمه ( 23)
ام عبدالله: هلا يمه
جوري: اقول ترى ود بتجي وابغى اغراض من السوبر ماركت
ام عبدالله : طيب قولي لعبدالله يجيبلك
جوري: هو طالع بعدين بروح مع السواق
عبدالله: السلام عليكم
ام عبد الله و جوري: وعليكم السلام
ام عبدالله: هذا هو جا قولي له
عبدالله: وش تقولي ؟؟؟
جوري: ابغى اغراض من السوبر ماركت
عبدالله: خلي السواق يجيبلك اياها
جوري: هو مايعرف وش ابغى
شوق: اقول روح لو تدري مين بيجي
عبدالله: مين ؟؟؟
شوق: حرمك المصون
عبدالله يلف على جوري: صدق ود بتجي
جوري: مالك خص بتروح ولا اروح مع السواق
عبدالله:قولي اول بتجي ولالا ولا مافي روحه مع السواق
جوري: أيه اف منك بتجي ولا تقعد تفشلني وتسويلك حركات
عبدالله: فديتها
شوق : ياعيني على الحب
عبدالله:انطمي انتي ولا اسمع صوتك
ذوق: يو فشلها
شوق: مالت عليكم اروح غرفتي ابرك لي
الكل قام يضحك عليها
هههههههههههههههههههههههه
ام عبدالله: حرام عليكم خلوها تراها دلوعتي
محمد: السلام عليكم( 15)
الكل : وعليكم السلام
محمد راح حب راس امه: من دلوعتك يمه ؟؟؟
جوري: ومن غيرها شويق
ذوق: هي لها الدلع كله وحنا بنات البطه السوده
محمد: خليها زرقة أحسن ههههههههههههههه
ذوق: هاهاها سخيفة ما تضحك
عبدا لله: أنت من وين جاي؟؟
محمد:من عند الربع
ويلف عند امه ..أقول يمه أنا جوعان
ام عبد الله: أذا جا أبوك بنتعشى كلنا
محمد: خلاص أنا رايح اخذ لي شاور وإذا جا أبوي
نادوني
ام عبدالله: أن شاءالله أنت بس روح
محمد: ياالله باي
ذوق: بايات
جوري : عبدالله بتجيبلي ولا أروح مع السواق
عبدالله:لا روحي مع السواق أنا تعبان ومالي خلق أطلع وبعدين سيارتي مافيها بانزين
جوري:قلت من زمان
عبدالله: توني ذاكر
ذوق: خلاص نروح أنا وأنتي مع السواق
جوري:وأصلا فيه غيره نروح معه
ذوق:ياالله بروح أجيب عباتي وأنزلك
جوري:بسرعه ولا بروح عنك
ذوق:دقايق ونازله
شوق:وين بتروحون؟؟؟
جوري:السوبر ماركت نشتري أغراض
شوق:بروح معكم زهقت من جلسة البيت
جوري:أجل بسرعه لا نتاخر
ذوق:يالله أنا خلصت
جوري:لحظه نستنا شوق بتجي معنا
شوق: ياالله مشينا
وطلعوا البنات من البيت
........................................
نرجع لرهف الي كانت رايحه مع صديقاتها المملكه
رهف: شوفوا ندخل أول شي الكوفي
مروة: اوكي موافقين
رغد: ياي شوفوا الزين الي هناك
رهف: وينه أي واحد فيهم؟؟
رغد: الي لابس الجنز الاسود
مروة: انتو ماتستحوا على وجيهكم
رغد: ماقلنا شي حنا؟؟
رهف: هي انتوا الثنتين اشوف حتى هنا هواش
رغد: كأنها فشلتنا ؟؟؟
مروة: كأنها ...هيه انتي اصغر عيالك تهاوشينا
الا يمرون شلة شباب
الاول: اه ياقلبي صابني سهم الحب من عيونك
الثاني : فديت هالعيون
الثالث: الرقم يا الحلوين تكفون طلبتكم
رهف: هي انتوا خلونا نمشي أحسن لنا
مروة: خلوني اادبه إلي ما يستحي
رغد: كيفك انتي جلسي وحنا بنروح
مروة: جد خوافات
رهف : موخوافات مع هالراس بس نتجنب المشاكل فهمتي
ومن هالشباب كان ياسر ولد عم رهف
ياسر: اقول كأنهم ماعطوكم وجه ( 22)
ناصر :لا تتحدا اجيب راسهم
ياسر: اتحداك يا نصور
ناصر: أوكي صار
خالد: وحنا بعد نتحداك يا ياسرتجيب راس وحده منهم
ياسر: اجيبه وانا ولد الـ......
ناصر:خلاص اتفقنا
ياسر:اتفقنا
..................................................

أنتي تسربتي في شرايني ودمي
صورتك صارت حقيقه تنطق بعيني
الجزء الثاني
....................
رهف: واو شوفي خل ندخل شكل بضاعته جنان
مروة : ماورانا شي ندخله
رغد: شوفوا هالشباب للحين يلا حقونا
رهف : لاتناظرونهم خلوهم يولون
وهم يمشون داست رهف على عباتها وبغت تطيح بس مسكها ياسر
ياسر: سلمتي يا ختي
رهف وهي مستحيه مشت بدون ماترد
ياسر كمل طريقه مع ربعه
ناصر:الله الله ايش سويت يابو الشباب
ياسر: ماسويت شي ؟؟؟
ياسر في خاطره يقول محلاتها هالبنت عيونها جنان
من الجهه الثانيه
رهف تيبست من الموقف
رغد: رهوف حصل خير
رهف: حلفي أنتي كل هذا وتقولين حصل خير
مروة : خلاص بسك ماصار شي وبعدين انتي ماتعرفينه يعني مو شايفته مره ثانيه
رهف : هو صدق ماعرفه بس يشبه حد من عيال عمي
رغد : اقول بدق على السواق البنت قامت تخربط
رهف: احسن بعد
............................................
في بيت بو عبدالله راحت ود بيت عمها ودقت على جوري عشان تفتح الباب
ود: اقول جوري افتحي انا عند الباب
ولا يفتح عبدالله الباب هنا يشوف ود في وجهه
عبدالله : السلام عليكم
ود في خاطرها ايش هالبلشه اوريك يا جوري
ود: وعليكم السلام
عبدالله: أخبارك بنت عمي؟؟
ود: بخير انت اخبارك؟
عبدالله: بخير الحمدالله
ود: جوري موجوده؟؟
عبدالله:افا جايه عشاني ولا عشان جوري
ود في خاطرها ... اكيد عشانك ولا انا وش ابغي في العله اختك
ود:................
عبدالله:ههه ادخلي جوري تنتضرك
ود: عن اذنك
عبدالله:أذنك معك يالغاليه
ودخلت ود البيت وتشوف جوري توها نازله
جوري: هلا بمرت اخوي
ود: اوريك يا ال****************ه وينك انتي تدرين مين فتح الباب
جوري: لاتقولين هم؟؟؟
ود: الا هم
جوري: سوري بس كنت ارتب حجرتي قوليلي صار شي
ود: خلينا نروح الغرفه بعدين اقول
بعد ماراحوا الغرفه قالت لها ايش صار
جوري:عبيدان حركات
جوري:عبيدان في عينك بعدين اخوك كل يوم يحلو
جوري:هههه أكيد يتكشخ حق بعض الناس
ود: متى تنخطبين وأفتك منك
جوري:من قالك ياحبيبتي اني راح اتزوج حرررره جالسه على قلبك
ود:ههه وانا أقدر أستغنى عنك
جوري:المصالح بدت
ود: طالعه عليك
وجلسو يضحوكون على بعض
...............................
في بيت بو عبدالرحمن
احمد كان جالس في المجلس مع محمد ولد عمه يلعبون بلايس تيشن ولا تدخل عليهم رهف
رهف: انتواوش تسوون عندكم
احمد: بسم الله انتي من وين طلعتي لنا (18)
محمد: اختك جنيه ماتدري عنها
رهف: انطم انت ولا تتكلم بزر ويتكلم
احمد: ههههههههههه
رهف: ليه تضحك حد قال نكته
محمد: يضحك على خبالك
رهف: انطم انت بس
ويدخل عليهم عبدالرحمن: شفيكم تصارخون
محمد: اختك ماتعرفها
رهف :دحوم شوفهم يتطنزون علي
عبدالرحمن: هيه انتوا ليه تتطنزون على حبيبتي
احمد: اختك هذي عله
رهف: دحوم شوفهم
عبدالرحمن: اقول كله ولا رهوف
محمد: وكلتك محامي
عبدالرحمن: مالك دخل انت
رهف : وييييييييييييييييييووووووووو فشلهم
محمد: اقول انا بروح بيتنا بتجي معي
احمد: اكيد بجيي احسن من القعده هنا ويا رهيف
رهف: فكه منكم
محمد:قولي حنا نفتك منك
عبدالرحمن:ههه وانتوا هذي حالتكم من تقعدون مع بعض كله نجره
محمد: أختك ماتخلي الواحد في حاله
رهف: مالت عليك انا بروح داخل
محمد:اصلا حنا رايحين بيتنا الربع ينتظرونا هناك
عبد الرحمن:قوموا أوصلكم على طريقي
احمد:استنوا أقول للوالده وأجيكم
محمد:لا تتأخر
احمد: ماراح أتأخر
...................................
دخل أحمد البيت وشاف رهف والعنود جالسات يطالعون تلفزيون
احمد: اقول رهف امي وينها؟؟؟
العنود: امي رايحه بيت الجيران
رهف:ليه وش تبغي؟؟
احمد:لابس إذا جت وسألت عني قولوا لها اني بيت عمي مع محمد
رهف:اوكيه
احمد: باي
رهف : بايات
العنود:أقول رهف
رهف:نعم
العنود:انتي مو جوعانه؟؟؟
رهف:كأنك تدرين بموت من الجوع
العنود: ايش رايك نطلب؟؟؟
رهف:خلاص طلبي من المطعم
العنود:اي مطعم خاطرك فيه؟؟؟
رهف:مو جاي في بالي شي
العنود:خلاص بطلب على كيفي
رهف:روحي طلبي وخليني اطالع الفلم
العنود:مدري وش يحبك في الأفلام المرعبه
رهف:عنيد خليني اتابع الفلم
العنود:طيب سكتنا
وراحت تطلب لهم من المطعم بعد ماطلبت راحت تتابع الفلم مع رهف
..................................
في بيت بوياسر سميه جالسه تكلم بنت عمها سلمى
سميه : سلوم ايش رايك نروح السوق بعد الجامعه(19)
سلمي: والله فكره حلوه(19)
سميه : عارفه انا ماأجيب الى الافكار الحلوه
سلمي : اجل اوكي بعد الجامعه نروح ونقول لرهف مره وحده
سميه : خلاص اخليك انا الحين
بعد ما سكرت سميه من سلمى جلست تسمع اغاني وتشوف عمرها في المرايه
سميه : فديتني والله حلوه
ولا تسمع طق على الباب
سميه: من؟؟
الخدامه: سميه ماما قول نزلي عشان ماما مي تهت
سميه: طيب قولي لهم نازله
نزلت سميه وشافت مي وأمها جالسين يشربون شاي
سميه:السلام عليكم
الكل:وعليكم السلام
لين:خاله ثميه
سميه:هلا والله حبيبتي
لين:خاله أنا احبك
سميه:وانا اموت فيك يمه فديت هالخدود
لين:اي يعول
مي:سميوه اتركي بنتي(24)
سميه:الصراحه بنتك تجنن
مي:اكيد دام انا امها
سميه وهي تجلس جنب امها
سميه:قصدك دام الحلوه هذي جدتها
ام ياسر:عن الحركات قولي وش عندك
سميه:حرام عليك يمه
مي:أكيد طالعه على اخوها ولا وبنات عمها بعد
سميه:فديت اخوي وبنات عمي
ام ياسر:الا على طاري ياسر قومي يايمه دقيله خليه يجي يسلم على اخته
سميه:ان شاءالله
ام ياسر: اقول مي وين عمر
مي: يقول عنده شغل بيخلصه وبيجي
ودخل عليهم ياسر
لين: خالي ياسر ...وتسرع له وتطيح بحظنه
ياسر وهو شايلها : هلا .... هلا بحبيبتي
لين: هلا بخالي حبيبي
ياسر: ههههههههههه لوتيه هالبنت
مي: طالعه عليك
ياسر: في هذي صدقتي... الا شخبارك
مي: تو الناس ماكان سالت
ياسر: السموحه يالشيخه بس بنتك الي يشوفها ينسى نفسه
سميه: اكيد طالعه على خالتها
ياسر وهو يجلس جنب امه ويحب راسها
ياسر: بس مافي احلا من هالغرشوبه
ام ياسر: هههههههههه وين ياولدي خلاص حنا كبرنا وعجزنا خلينا الجمال لمرتك وخواتك
ياسر: انتي احلى شابه ولا شوفي بناتك كل وحده اشيف من الثانيه
سميه: نعم ....نعم ايش قلت عيد كأني ماسمعت
ياسر:هههههههههههه اقول ياحلو خواتي وخاصه سميه مافي حد ينافسها في الجمال
سميه: ايه تعدل
ام ياسر: اقول بسك انت وياها وقوموا انتوا خلونا نحط العشى ابوكم وعمر على جيه
البنات : ان شاءالله
مي: انتبه لبنتي
ياسر: وانا اقدر اتركها
لين: خالي ياسر ودني البقاله
ياسر: ياالله مشينا
وراحو بدون مايخبرون حد
مي وهي تدخل الصاله
مي : وين راحوا؟؟
سميه: وش فيك؟
مي: ياسر خذ لين ومدري وين راحوا
سميه: يمكن راحوا البقاله
مي: يمكن ...أجل خلينا نروح نساعد امي
سميه: ياالله
................................................
نرجع لبيت بو عبدالله وكانت شوق تكلم سلامه بنت عمتها
شوق: سلامه أخبارك؟
سلامه: هلا بغناتي الحمد الله(17)
شوق: سلاموه ايش رايك تجين عندي
سلامه: مدري بشوف امي
شوق: طيب خبريها وسويلي تلفون
سلامه: اوكيك
بعد ماسكرت عن سلامه طلعت من غرفتها ونزلت المطبخ تسوي عصير لبنت عمتها وماتدري ان عيال عمها موجودين وكانوا في المجلس
ودخلت المطبخ وهي تغني ( اه من قلب غدا حبه جنوني ................) وكانت مندمجه وكان صوتها حلو والكل يحب يسمعها
وكانت ترقص ولا يدخل عليها ولد عمها مروان بس هي مانتبهت له وكان الصوت جاذبه
ويقول في خاطره محلات صوتها من هي اكيد شوق
فديتها ياربي هالبنت ذابحتني
مروان وهو واقف عند الباب: ماشاءالله عليك بنت عمي صوتك حلو( عمره 18)
شوق من سمعت صوته تيبست في مكانها وحست الدم نشف من جسمها ودقات قلبها تتسارع
مروان:أخبارك بنت عمي؟
شوق:.....................
مروان:شوق
شوق استوعبت: ها....
مروان: ايش فيك اكلمك لي ساعه
شوق: ها...لالامماشي..... بغيت شي
مروان: اذا ماعليك امر تجيبين لي ماي
شوق:امممم انت صد انا بطلع وادخل اشرب ماي
مروان:اوكي
ويوم طلعت من المطبخ الا بأحد يدق جرس الباب
وراحت شوق تفتح الباب وكان اللي على الباب هي سلامه
وكان اللي في المجلس أحمد ومحمد واللي في المجلس يقدرون يشوفون اللي بره اما اللي بره مايقدرون يشوفون اللي في المجلس لانهم كانوا طافين الليت
محمد:بوشهااااااب تعااااال بسرعه
أحمد:نعم
محمد:شوف من عند الباب
لف أحمد عشان يشوف من عند الباب.........
وااااااي قلبي على الغرشوووبه فديتها والله
احمد: مو سلامه
محمد: تستهبل اكيد سلامه حبيبة القلب
احمد: هههههههههههه اجرب انكت
محمد: ههه بايخه مع هالوجه
احمد: اقول وجهي احسن من وجهك
محمد: اقول كمل لعبك وانت ساكت
مران وهو يدخل: انتوا وش فيكم تتناجرون
محمد: ولد عمك مسوي روحه بريء من شاف حبيبة قلبه
مروان:ههههههه وانا اشوف شاق الحلق
احمد: اقول بتسدون حلوجكم ولا اروح البيت
محمد: وين رايح اختك ود عندنا
احمد: اجل اكرمونا يسكوتكم
محمد: خلاص سديناهم ... ويلف على مروان ...هيه انت سد حلجك بس يتكلم كنه بالع له رادوا
مروان: اقول ياسر سد حلجك خلصت من احمد وفتريت علي
احمد: اف... منكم بتسكتون ولا شلون
مروان: خلاص سكتنا
وكملو الشباب اللعب
....................................
سلمت شوق على سلامه وراحت وياها غرفتها وبدت السوالف
شوق:ماخبرتك وش صار اليوم
سلامه: وش صارخبريني
وخبرتها عن اللي صار مع ولد عمها
سلامه: انا هذا مروانوه ماأحبه مدري ايش عاجبك فيه
شوق: ياماما القلب وما يهوى
سلامه: والله من غباء قلبك ولا مروانوه من يحبه
شوق:اااااااااااااااااه انا احبه
سلامه: مدري لو مثل حمود مادري ايش سويتي
شوق: لو حمود مو اخوي كان حبيته
سلامه: كان ذبحتك....بعد تتعدين على الحقوق الخاصه
شوق:هههههههههههههه بعد خليتيه من حقوقك الخاصه
سلامه: اكيد
شوق: تراه هنا
سلامه: حلفي
شوق: ليه شايفتني كذابه
سلامه: الصراحه مممممممممممم خليني افكر اشوي ممممممم
شوق: بتتكلمين ولا شلون
سلامه: خلاص بتكلم ممممممم ....وهي تصارخ....لااااااااااااااااااااااا
شوق: عمى اذني
سلامه:هههههههههههههههه حبيت اجرب صوتي
شوق: عاد من حلات الصوت
سلامه: اقول احسن من صوتك
شوق: مبين
وجلسوا البنات ضحك وسوالف لحد ماجات الساعه 11
بعدين راحت سلامه بيتهم
وود واحمد بعد راحوا بيتهم
.................................................
في اليوم الثاني وبعد ماخلصوا الدوامات
راحوا سلمى وسميه والرهف الفيصليه
وبعد ما خلصو مرهم ياسر
سميه و سلمى ورهف : السلام عليكم
ياسر: وعليكم السلام اخيرا خلصتو
سميه: يعني انت ماتدري في اختك لادخلت السوق ما تطلع
ياسر: انتي كذا وسنه اجل لو تجهزين حق عرسك وش بتسوين
سميه: بقوله يعطيني خمس شهور عشان اتجهز
ياسر: ول عليك بيطفش الرجال
سميه: كيفه ...... سلوم
سلمى : هلا
سميه: شفتي عهود
سلمى: ايه
سميه: يقولون انخطبت
سلمى: من قالك؟
سميه: رهف
سلمى لفت على رهف تسألها : رهوف ايش دراك؟
رهف: اخو صديقتي الي خاطبها
سلمى: من صديقتك؟
رهف: رانيا
سميه: اها
.................................
الجزء الثالث
أحبك لو بعيد الدار عنك.. جداك يحن قلبي للرجوعي
...............................
في اليوم الثاني مروان كان جالس مع امه وابوه يفطر دخل عليهم عزام
عزام: السلام عليكم
الكل : وعليكم السلام
ام عزام: هلا بولدي اقرب يمه افطر
عزام: ان شاءالله .... اقول مروان انت متى رجعت البيت
مروان: الساعه 11 ليه
عزام: وين كنت امي تقول من الظهر طالع
مروان: ايه كنت مع الربع تغدينا بعدين رحت مع محمد وأحمد بيت عمي عبد العزيز
وتدخل نوره عليهم
نوره: السلام عليكم
الكل : وعليكم السلام
نوره : ماخلصتوا بسرعه بتاخر على المدرسه
ام عزام: افطري يابنتي اول شي
نوره : ان شاءاهل في المدرسه .... وتلف على عزام ... هيه انت خلص بسرعه بتاخرني
مروان: هههههههه قوم ياسواقها ودها
عزام:سواق في عينك وانتي قومي حشرتيني خليني اوصلك
مروان: ههههه وصلني سيارتي خربانه
عزام: قوم انت الثاني
ام عزام وابو عزام قاعدين يضحكون على عيالهم
ام عزام :الله يخليكم لبعض
........................
في بيت محمد
كانت رهف لابسه وكاشخه عشان الجامعة
ويدخل عبد الرحمن عليها
عبد الرحمن: مرحبا رهف
رهف: الناس يدقون الباب قبل يلا بره دق الباب بعدين ادخل هذا اذا رضيت لك
عبد الرحمن :ههههههههههه والله انك تضحكين اقول بسك ويا الله خلينا نروح
رهف: يا الله قدامي
ود: وش فيكم تضحكون من الصبح
رهف: ليه الضحك في أوقات له
عبد الرحمن : يمكن ماتدرين
ود: يا الله قدامي انتم الثنين
رهف و عبدالرحمن: حاضر يا فندم
ونزلو وشافو أمهم وأبوهم و العنود واحمد جالسين يفطرون
رهف وود وعبد الرحمن: السلام عليكم
الكل : وعليكم السلام
احمد: أخيرا نزلتوا
عبد الرحمن : رهوف الي اخرتنا
احمد: لازم تتعدل حق الجامعه ولا ماتطلع رهف
رهف: اجل ياخوي تبغاني اروح بشيفتي
ود: قدامي كلكم اشوف
ابو عبد الرحمن: ماتبون تفطرون
العنود:ود يا الله لانتاخر
رهف: انا عن نفسي نو اما عن الدبب مدري
عبدالرحمن: من تقصدين يا اخت رهف
رهف: مممممممممممم اظني الي ما فطروا انت وود
عبدالرحمن: انا دب
رهف: يس
عبدالرحمن: دب في عينك اقول قدامي لا اطيرك
ام عبد الرحمن: بدينا ....بس حتى في صباح الله خير نجره حشا مو اوادم
رهف:مامي هو اللي بدا
ود :اقول قدامي انتو الاثنين....يالله مع السلامه
رهف: باي ماميتو باي بابيتو
ام و ابو عبد الرحمن : مع السلامه
.................................................
في الجامعه رهف ملانه من دكتورتهم المصريه
رهف: اقول مروة ملانه
مروة: اسكتي لا تشوفنا الدكتوره وتطردنا
رهف: خليها تولي
الدكتوره: رهف ومروة بتعملو ايه
رهف: ولا شي دكتوره كنت اسالها عن الامتحان
دكتوره:ايوه زكرتيني انا متى ألتلكم الامتحان
مها: الاحد يا دكتوره
الدكتوره : ايوه صح الاحد انشاء الله امتحانكم سهل وانا راح اساعدكم و ابسط لكم الاسئله
مروة:لازم تذكرينها
رهف: انطمي اجل تبغينا نتهزأ قدام الي يسوى والي مايسوى
مروة:اف منك
رهف تطالعها بنص عين
مروة: رهف بلا هالنظرات تدرين تذبحيني بنظراتك هذي
رهف: تستاهلين
رغد: بس انتي وياها لا الحين تطردكم الدكتوره
رهف: خلاص سكتنا
وسكتو البنات
وكملت الدكتوره شرحها
................................
يوم خلصوا الدوامات الكل رجع بيته
في بيت محمد(بو عبدالرحمن)
ام وابو عبدالرحمن راحوا يرتاحون بعد الغدا
واما العيال كل راح حجرته يرتاح له شوي من تعب الدوام
.............................
في الجهه الثانيه وبتحديد عند ياسر كان يفكر بالبنت الي سرقت قلبه
ياسر ..اه وينك يا غزالتي أيش تسوين الحين والله ولهان عليك ياربي تجمعني فيها مره ثانيه
ناصر: هيه وين وصلت ؟؟
خالد: هههههه العاشق الولهان
ياسر: آه ياخالد تصدق ولهت على غزالتي
ناصر: المسكه ما سوت فيك خير
ياسر: والله اشتقت لها
ناصر : هههه انت تنكت وين بتشوفها مره ثانيه
ياسر: هههه خلني اتحلم بعدين ماتدري يمكن اشوفها مره ثانيه
خالد: هههههه احلم ياخوي
ياسر: اف جد تحطمون الواحد
.........................
المغرب اجتمعوا الاخوان عند بو عبدالرحمن
وهالوقت كانت رهف توها قايمه وكانت تسبح وتدق عليها ود
ود: رهف... رهف افتحي الباب
غريبه لايكون ماجلست
ودخلت الباب وماشافت احد
ود: رهف.... رهوووف
رهف طلعت من الحمام وهي تغني ( بحبك وحشتيني بحبك وانت نور عيني ..دا وانتي مطلعا عيني بحبك موت)
ود :رهوف
رهف: هلا
ود: اقول دريتي مين بيجينا اليوم
رهف: لاوالله ياأختي مادريت
ود: عمامي
رهف: والله ونااااسه
ود: ايه تو امي قالت لي
رهف:كلهم بيجون؟
ود: ايه اتوقع
رهف: طيب
ود: اوكي يالله انا بروح البس
رهف دقت بيت خالتها
عبدالله: السلام عليكم
رهوف : وعليكم السلام هلا عبود اخبارك؟
عبد الله: عبود في عينك اصغر عيالك تناديني عبود
رهف: وع انت اصغر عيالي اقول روح بس ناد ذوق
عبد الله: ايش تبغين فيها ؟
رهف: عبود روح مو فاضيه لك
عبد الله: ماني ناديها لين تقولين لي الشيخ عبد الله
رهف: ود شوفي رجلك هذا موراضي يناديها
عبدالله: لا بناديها ويا راسك
رهف: ناس مايجون ألا بالعين الحمرا
عبدالله راح ينادي ذوق
عبدالله: ذوق ذوق تعالي كلمي رهف
ذوق:نعم
عبدالله: تعالي كلمي رهف
ذوق: رهف .... وراحت تكلمها الو
رهف: هلا ذوق
ذوق: هلا رهوف
رهف: اقول ذوق اليوم تعالو بتجون بيتنا
ذوق: مدري محد قالي
رهف : والله من دلاختك
ذوق: رهيف عمى
رهف: روحي سالي خالتي وجيبي الفلم الي قلتي عنه
ذوق: طيب
رهف: ياالله طسي
ذوق: مالت عليك باي
رهف: باي
.................................
وصلو عمامهم بيت بو عبد الرحمن
محمد بوعبد الرحمن: هلا هلا تو مانور البيت
بو ماجد: هلا منور بأصحابه اخباركم؟
بو عبد الرحمن: الحمدلله
ياسر: هلا عمي
بوعبد الرحمن: هلا ياسر اخبارك؟
ياسر: الحمد الله
بعد ماسلمو على الكل
وقعدو الشباب في جهه و الرجال في جهه
ويدخل عليهم بو عبد الله وعبدالله
بو عبدالله: السلام عليكم
الكل: وعليكم السلام
ويدخل من بعده بو عزام وعياله وزوج أختهم سيف وأخوهم بو ذياب
كانت الجلسة حلوه من جهة الرجال
من جهة الحريم البنات جالسين في جهة والحريم
جهه
رهف: اخباركم؟
سميه: والله تمام انتوا اخباركم؟
رهف: الحمدلله الاأقول ايش أخبار الجامعه وياكم
سلمى: تمام بس عندنا دكتور اف منه يكرهك في الجامعه
ذوق: انتي أي تخصص
سلمى: انا وسميه نفس التخصص هندسه
شوق: وانتي رهف
رهف: أنا حاسب ....
ام عبدالرحمن : رهف روحي ودي الدلال عند الرجال احمد اخوك ينتضرك
رهف: يمه خلي الخدامه
ام عبد الرحمن: الخدم مشغولين في تجهيز العشى
رهف: ان شاءالله يمه عن اذنكم
وراحت رهف تودي الدلال لاخوها احمد وكان ياسر طالع بره يكلم صديقه ناصر
ومرت رهف وهي مو منتبه له يوم شافها ياسر نسى انه يكلم صديقه
ناصر: ياسر ياسر انت معي
ياسر:ها عمى وش تبغي
ناصر:شفيك؟
ياسر: ولا شي بس شفت
ناصر: شفت مين؟
ياسر: اقول باي بروح وبعدين اكلمك
ناصر:يا الله باي
مشى ياسر راجع عند الرجال وشاف احمد توه بيدخل
ياسر: ليه طالع
احمد: عشان اخذ الدلال من عند رهف
ياسر في خاطره رهف : اهااااا
احمد: شفيك؟
ياسر: سلامتك خلنا ندخل
ياسر من شاف رهف نسى البنت الى في شافها في السوق ما يدري هي نفسها هذي رهف كبرت وحلوت اخر مره شفتها
وهي صغيره والله الايام تركض وحنا مو حاسين فيها
.............................................
في لندن
كان زياد وذياب جالسين يذاكرون لان اختباراتهم بدت
زياد: ذياب.. ذياب
ذياب كان يفكر ببنت عمه رهف اللي كان يحبها من هم صغار
زياد: ذياااااااااب انت وين وصلت
ذياب : اااااااااه يا زياد وصلت السعوديه
زياد: ههههههه لاتقول عند الاهل ماراح اصدقك
ذياب: كنت افكر في رهف
زياد:ههههههههههههههههه اشتقت لها
ذياب: ومين مايفكر بروحه والله اني اشتقت لها
زياد: اااااااااه حتي انا اشتقت لغناتي
ذياب : ومن غناتك؟
زياد: شيخة الحريم امي
ذياب: قوم عني لا بكس في وجهك صدق فاضي ومين مايشتاق لامه
زياد: وش فيك امزح وياك
ذياب: اقول سد حلجك خلني اذاكر
زياد: هههههههههه وليه انت كنت تذاكر
ذياب: زويد
زياد:هههههه خلاص سكتنا
وكملوا مذاكره وكل اشوي زياد يضحك على ذياب
لحد ماذياب تركله المكان وراح مكان ثاني يفتك من زياد
..................................
نرجع السعوديه وبالأخص بيت العم محمد
في هذي اللحظه كانت ذوق داخله المطبخ تشرب ماي ولايدخل عليها عبد الرحمن
عبد الرحمن: وأنا أقول ليه بيتنا منور اثر الغالية موجودة
ذوق استحت من كلامه ونزلت راسها
عبدالرحمن: فديت إلي يستحون مني
ذوق: عن أذنك
عبد الرحمن مسك يدها
عبد الرحمن: وين رايحه ماصدقت أني اشوفك وأنتي تروحين عني
ذوق: لو سمحت إيدي
عبد الر حمن انتبه لنفسه انه ماسك أيدها
وبتسم لها بخبث وقربها من وجهه وباسها
الا تدخل عليهم رهف: ياعيني على الرومنسيه أقول دحوم وش سويت بالبنت شوف وجها شلون صاير
ذوق: عن اذنكم
وطلعت من عندهم
عبد الرحمن: فديتها والله ..... ويصد جهت أخته وأنتي دايم رازه وجهك
رهف: هي أنت أستح على وجهك لو تشوفك امي
عبد الرحمن: عادي بقولها هي خطيبتي ولا نسيتي
رهف: لا ما نسيت ويلا أطلع بره
عبد الرحمن : أنا طالع وتارك قلبي هنا داخل
رهف: ههههههههههه ذوق ماسوت فيك خير
عبد الرحمن: أي والله بنت عمك جننتني
رهف: طيب روح لاتجننك زياده
وراح عبدالرحمن
ورهف جلست تشرف على الخدم ولايدخل عليها عبدالرحمن اخوها
عبد الرحمن: اقول رهف
رهف: نعم
عبد الرحمن: ناديها لي اشتقت لها
رهف: اقول بره........ بره
عبد الرحمن: زين طالع اف
رهف: صدق خبل
...................................

الجزء الرابع
محتاج اضمك واترك الدمع ينساب .... ويكتب على خدي بلاوي سنيني بلحيل ميت من زمان مابه احباب
والكل منهم بالمصايب يجيني.... الا انت وينك لا تتعذر بالأسباب أبيك تترك كل شي وتجيني ...... مانفترق لو فوق الموت خلان
...................................
في هالوقت كانت رهف في غرفتها مشغله غنية (حسين الجسمي_فقدتك) وكانت تفكر في ذياب
اااااااه يا ذياب وينك ارجع لي والله اشتقت لك ورجعت في ذكرياتها معه يوم سمعت من خالتها انه بسافر
ودقت عليه بدون ماتحس انها كانت الي سوته صح ولاغلط
ذياب استغرب اتصالها لانه حافض رقمها: الوووو
رهف:ليه ليه بتروح وتتركني ليه
ذياب: رهف شفيك؟
رهف: ليه بتسافر وتخليني ؟؟؟
ذياب :رهف لا تخافين بس انا بسافرلندن بكمل دراستي هناك
رهف:وليه ماتكمل دراستك هنا
ذياب:لا هناك احسن بعدين زياد بيروح معي
رهف: بس انا ما ابغاك تروح
ذياب: رهف انا بدرس وبرجعلك
رهف اسكتت
ذياب:ياالله رهف ماأبغى أروح وانتي زعلانه مني
ولاتدخل عليها ود
ود: رهووووووووف عمى لي ساعه اناديك وانتي ما تسمعين
رهف كانت تمسح ادموعها
رهف: ما سمعتك
ود حست باختها انها متضايقه وانها كانت تصيح
ود: رهف وش فيك؟؟
رهف: ها.... لاما فيه شي
ود: كل هالدموع وتقولين ولا شي
رهف: متضايقه شوي
ود اعرفت انها كانت تفكر في ذياب لانها تعرف اختها من سافر ذياب وهي اغلب الاحيان تكون متضايقه: مشتاقه له ؟؟
رهف: من؟؟؟؟؟
ود:هههه علينا ... عارفه انك تفكرين فيه بس هو راح يدرس وان شاءالله بيرجع.... بقولك شي
رهف: قولي
ود: سمعت خالتي تقول ان ذياب بيرجع بعد شهرين
رهف: حلفي
ود: اصغر عيالك اكذب عليك
رهف: شفيكم انتي ويا رجلك كل ما قلتلكم شي قلتوا لي اصغر عيالك
ود:ههههههههههههه فديته والله
رهف: عيب عليك تتفدينه قدامي بعدين اغار
ود: ههههههههه اقول قدامي بنروح نتعشى بره مع بنات عمي
رهف: مين بيودينا ؟؟؟
ود: اتوقع عبد الله بيودينا
رهف: وهذا ليه رازالفيس عيب عليه كلنا بنات
ود: محد موجود يوم قالت له جوري هو وافق
رهف: اكيد دام انتي بتروحين معنا
ود:اقول انطمي وخلصينا هم في الطريق
رهف:اوكيك خمس دقايق
طلعت ود عن اختها وهي متضايقه على حالة اختها
ورن جوالها كانت جوري
جوري: هلا ود
ود: هلا
جوري: ياالله حنا عند باب بيتكم
ود: يالله طلعنا
ود: رهف خلصتي تراهم عند الباب
رهف: ايه خلصت
وركبو السياره
ود ورهف : السلام عليكم
الكل:وعليكم السلام
رهف حبت تخفف على نفسها شوي وحبت تنرفز عبدالله
رهف: عبود غريبه متكرم وراح تودينا
عبدالله: نعم ماسمعت وش قلتي؟؟؟
رهف: غريبه متكرم بتودينا؟؟
عبدالله: لا الي قبل
رهف:عبود
عبدالله: اصغر........
ولاتكمل رهف بداله
رهف: عيالك تناديني عبود
الكل:هههههههههههههههههههههههههههههههه
شوق: حافضه الاسطوانه البنت
رهف: لازم احفضها عندي ثنين علل كل مره أقولهم شي يقلون اصغر عيالك
عبد الله: أنا الأول مين الثاني
رهف: حرمتك
عبد الله وهو يطالع ود من المرايه وهي منزله راسها
عبد الله: فديتها والله
الكل:ايووووووووووووه
رهف: ياعيني على الحب
ذوق: و الرومنسيه
جوري: اقول أنت شوف الطريق
شوق هي ويا رهف قاموا يغنون
(ويلـــــــــــــــــــــــــــــــي)
وعبد الله مستأنس على خبال بنت عمه واخته..........ود كانت مستحيه والكل يضحك عليهم
وصلو المطعم ودخلوا وشافوا محمد واحمد ومروان موجودين
مروان يوم شاف شوق عرفها من بين البنات
ياااااااي فديتها والله
رهف: أنت بسك بتآكلها من كثر ما طالعها
عبد الله: ياربي من هالبنت دومها رازه وجها
جوري: ماكذبت فشلتنا
عبد الله: ايش دخلكم انتو نسيتو انها خطيبتي
جوري: لا مانسينا بس مو قدام الناس تسوي حركاتك
والكل قام يضحك عليه وهو معصب عليهم
بعد ماخلصوا وصلهم عبدالله البيت
..........................................
في هالوقت كان ياسر جالس مع أخته سميه
ياسر: سميه ممكن اسأل سؤال؟؟
سميه: تفضل
ياسر: رهف كم عمرها؟؟
سميه: رهف ليه تسأل؟؟
ياسر: بس مجرد سؤال
سميه: رهف عمرها 19
ياسر: اهااااااا
سميه: شفيك؟؟؟
ياسر: تدرين بقولك شي مو تروحين تقولين لها
سميه : قول مراح أقول
ياسر:انا نويت اني اخطب رهف
سميه: وش تقووول؟؟؟
ياسر: شفيك انا بقول لامي تخطب لي رهف
سميه: من جدك تتكلم؟؟
ياسر: ايه من جدي وليه مسوي شي غلط؟؟
سميه:لا بس انت توك تدرس
ياسر: عادي اخطبها بعدين اذا خلصت ملكنا وتزوجنا
سميه: وش معنى رهف؟؟
ياسر: شفتها في بيتهم ذاك اليوم وعجبتني بعدين انا ولد عمها
سميه: اهاااااا طيب الله يوفقك
وطلعت منه وهي منصدمه
..................................
الجزء الخامس
في غيابك مدري أحيا أو أموت ؟
في غيابك ترسم أقسي الدروب ...وتحفر الآهات بعروقي سدود .. وتغرس دموعي على خدي حدود
في غيابك : أموت وكافي تعرف أني في غيابك مالي بالدنيا وجود
..............................
بعد شهرين
كانت محدد ملكة ود وعبد الله في هالشهر
اليوم يوم رجعة ذياب وزياد بعد ماخلصوا دراسه واخذو الشهاده .... رهف كانت تنتظر هاليوم بفارغ الصبر
يوم الاربعاء.......
في الجامعه
رهف: يااااي يا مروة الغالي بيرجع اليوم
مروى:احلفي.... ذياب بيرجع اليوم
رهف: ايه.. بيرجع اليوم... ياااااي والله مشتاقه له
رغد: مين بيرجع اليوم
مروى: ذياب
رغد: رهوف ذياب بيرجع
رهف كانت سرحانه ومو منتبها لها
مروة:هههههههه خليها مين قدها الغالي بيرجع
...............................
بعد ماخلصت الدوام ارجعت رهف البيت.... يوم دخلت سلمت على امها وابوها وراحت حجرتها بدلت ونزلت
وسيده للمطبخ راحت تسوي الكيك والمعجنات إلي يحبها ذياب
ودخلت عليها أمها
أم عبد الرحمن : رهف فيك شي؟؟
رهف: ههههههههه هلا يمه لاالحمدلله مافيني شي
أم عبد الرحمن: ليه مانمتي
رهف: ماجاني نوم وليه... حرام يعني لو ما نمت
أم عبدالرحمن: لا بس مو من عوا يدك يايمه ولا.. داخله المطبخ ..لابنتي فيها شي
رهف: ههههههههههههه والله مافيني شي بس حبيت أسوي معجنات والكيك.... بس يمه.. لاحد يلمسهم
أم عبد الرحمن: وليه اجل بتسوينها ؟؟؟
رهف: مسويتنها للعشى يمكن حد من عمامي يجي ولاتنسين ذياب وزياد اليوم بيجون يعني أكيد بنروح بيت عمي
أم عبد الرحمن: صح ذكرتيني خليني اتصل على خالتك اسالها اذا ذياب وصل ومره وحده أعزمهم على العشى
رهف في خاطرها فديت أمي الي تقرا افكاري
...دقت ام عبد الرحمن بيت اختها ريم
ام عبدالرحمن: الووووو
ذياب: هلا خالتي... انا ذياب
ام عبد الرحمن: هلا هلا ذياب تو مانورت البلاد
ذياب:منوره باهلها
ام عبد الرحمن : الحمد لله على السلامه يايمه متى وصلت
ذياب: الله يسلمك ...توني واصل
رهف اول ماسمعت ان ذياب وصل ..وانه يكلم امها
قالت بصوت خفيف ماينسمع ...فديته والله
ام عبدالرحمن: ذياب قول لامك ان اليوم عندنا العشى وانت تعال تراها بمناسبة رجوعك انت وزياد
ذياب:ان شاءالله يبلغ ......خالتي ماله داعي
ام عبد الرحمن: لاتقول هالكلام ترى ازعل عليك بعدين انت غالي حالك حال عبد الرحمن
ذياب: تسلمين خالتي
ام عبد الرحمن: ذياب يمه خذ رهف كلمها
رهف منصدمه من امها
اما ذياب كان فرحته ماتنوصف
رهف: السلام عليكم
ذياب : فديت هالصوت وراعية الصوت وعليكم السلام
رهف استحت من كلامه وجرأته : الحمدلله على السلامه
ذياب: الله يسلمك يا الغاليه
رهف: اخبارك؟؟
ذياب: دام الغاليه بخير انا بالف خير ...انتي اخبارك؟؟
رهف: الحمدلله
ذياب: رهف
رهف: لبيه
ذياب: ياويل حالي ههههههه
ذياب: اشتقتي لي
رهف في خاطرها شفيه هذا صاحي
ذياب: رهف... رهف
رهف: هلا
ذياب: وين رحتي؟؟؟
رهف: ها ... معك
ذياب: اقولك اشتقتي لي؟؟؟
رهف: اقول ذياب امي تناديني
ذياب: ياويل حالي على الي يستحون ......اوكي روحي لخالتي هذا اذا نادتك.... مع السلامه
رهف كانت ساكته بس تسمعه وهو يتكلم
ذياب: طيب قوليلي مع السلامه
رهف:ها.. مع السلامه
ذياب:ههههههههههههه يالله مع السلامه
بعد ما سكرت رهف عن ذياب راحت حجرتها ورمت نفسها على سريرها وقاعده تفكر في ذياب
اااااااااااااااه فديته والله للحين يحبني
..........................
من جهه ثانيه بعد ماسكر ذياب من رهف راح علم امه الي قالت له خالته بعدين راح حجرته دخل الحمام (وانتوا بكرامه) يسبح بعد ماخلص.. رمى عمره على سريره ونام
..............................
في بيت بو ياسر
كان ياسر جالس يفكر في رهف..ومستانس لانها بتكون من نصيبه.....راح الصاله وشاف امه وخواته يتقهوون قهوة العصر
ياسر:السلام عليكم
الكل:وعليكم السلام ياسر:امي ابغاك في موضوع
ام ياسر:قول يمه محد غريب
ياسر:يمه انا ابغاك تخطبين لي بنت عمي رهف
سميه من الصدمة قالت:لا
ام ياسر:شو لا يا بنيتي
سميه:ها....لا يعني لا
ياسر: وش لا ياالخبله
سميه:لا...يعني تو الناس...بعدك تدرس
ياسر:عمى روعتيني ....أنا بس بخطبها
مي:وش السالفه يمه
ام ياسر:لاسالفه ولاشي...بس اخوك ياسر يبغانا نخطب له بنت عمه رهف
مي: انت مقتنع بكلامك؟؟؟
ياسر صد صوب مي:ليه شايفيني مسوي جريمه
مي:هاا....لابس توك تدرس
ياسر:مااااالت انتوا بقر ماتفهمون قلت بخطبها واذا خلصت نملك
ام ياسر:اجل أنا بكلم مرت عمك
ياسر:لا امي..... أنا مابغاها الحين
ام ياسر:اجل متى تبغى؟؟؟؟
ياسر:مدري ....خليها بعد ملكة عبد الله
ام ياسر:على راحتك
..............................................
بيت بوعبدالله
كانت شوق جالسه تكلم سلامه
شوق:سلامووو اخوك رجع من لندن
سلامه:ايه..اليوم
شوق:أنا من زمان ماشفت أخوك..خاطري أشوفه
سلامه:هههههه ليه هو فلم وانا مادري خلاص اجيب لك صورته اليوم
شوق بخبث:ايه ...وأنا بعد بوريك ناس
سلامه: ها...من ؟؟
شوق:بعد تستهبل
سلامه:شوقوه ياالحماااااااااره
شوق:هههههههههههه استحت البنت
زياد كان في غرفة سلامه
سلامه نادت اخوها:زيوووووود شوف شوقوه
زياد:من هذي ...صديقتك؟؟؟...
.وأخذ من سلامه الجوال...
سلامه:انت انجنيت
زياد مب معبرها:الوووو..شوقووووه...ليه تجننين اختي
شوق تيبست مكانها ماتعرف من الي يكلمها
زياد لف على سلامه:سلاموووه صديقتك ماتتكلم... هي طرمه
شوق من اسمعت كلمة طرمه طلع لسا نها:هييييييييي
من الطرمه..جد انك ماتستحي ..أنا شوووق تقول لي طرمه...اذا أنا طرمه انت أصمخ ..وسكرت في وجهه
زياد عصب :من تحسب نفسها صديقتك ...أنا زياد ولد سيف تسكر في وجهي السماعه
سلامه من شافت اخوها معصب وهي ميته من الضحك
زياد:ماااالت عليك ... ألحين تشوفيني معصب وتضحكيييين ....كللللله منك انتي السبب
سلامه وهي تضحك:هههههه ...هذي اللي تقول عنها صديقتي ...تراها بنت عمك بعد
زياد مو مستوعب الكلام اللي تقوله: نــــــــــعــــم
بنت عمي
سلامه:ايه بنت عمك عبد العزيز
زياد: عمي عنده بنت اسمها شوق
سلامه: ايه وهي كبري
زياد:احلفي
سلامه: والله وليه اكذب عليك
زياد طلع من غرفتها وهو مصدوم .....ألحين عمي عنده بنت اسمها شوق ولا بعد كبر سلامه
دخل غرفته ودخل الحمام ( وانتوا بكرامه) خذله دش وطلع رمى عمره على سريره وراح في سابع نومه
سلامه في هالوقت قاعده تضحك على أخوها وبنت عمها
سلامه: جد هبلان هالثنين يصلحون لبعض
بس شويق العله تحب مروان مدري وش شايفه فيه
خلني ادخل اخذلي شاوربس
.........................................
الجزء السادس
شفت القمر بعد الظلام أنور... بالضبط نفس الشعور
إن شفت بسماتك إن كان في... خاطرك حاجه عليه أبشر والله لاأسوق العمر كله لمرضاك
.............................
في الليل الكل راح بيت بو عبد الرحمن و الكل تحمد لذياب وزياد بالسلامه وباركولهم على النجاح
عند البنات كانت الجلسه حلوه إلا شوق الي كانت معصبه على سلامه
رهف: سلامه وش فيها شوق؟؟؟
سلامه:هههههههههههه لاذ كريني كل ما أذكر اضحك
رهف: ليه وش صاير؟؟
وقالت سلامه القصة لرهف
رهف:ههههههههههههههههههه الله يهدي اخوك لازم يقولها طرمه
سلامه: كيفهم هم يتصالحون
وجاتهم شوق
سلامه: نعم
شوق: حلفي ينقال لك زعلانه مفروض أنا ازعل مو أنتي
سلامه: وأنا وش دخلني أنا ماقت له كلمها
رهف: هههههه والله ان زيود جاب راسك
شوق: يهبي الاهو
ذوق: اقول خلونا نروح نساعد خالتي
سلامه: ههههههه قصدك أم رجلك
شوق: تراها بتكون أم رجلك
ذوق وسلامه استحوا
شوق ورهف : ههههههههههههههه
.......................................
اما عند الرجال كان ذياب وزياد جنب بعض
زياد: اقول ذياب
ذياب: هلا
زياد: عمي عبد العزيز عنده بنت اسمها شوق
ذياب: ايه على مااذكر أنها كبر سلامه أختك.... ليه تسال؟؟
زياد قال لذياب السالفة
ذياب: ههههههههههههههههه من صدقك
زياد: وش عليك أضحك لأنه مو صاير لك
ذياب: انت وش خلاك تكلمها؟؟
زياد: سلاموه ...... وهو يقلد اخته .... زياد شوف شوقوه
ذياب: ههههههه اختك هذي روعه
زياد: ماعليك منها... اقول منت ناوي تدخل تسلم ومره وحده تسلم على حبيبتك
ذياب: فديت هالطاري كلمتها اليوم
زياد: بل عليك متى لحقت
ذياب: اول ما وصلت خالتي كلمت بيتنا وكلمتها
زياد: عاد انت ما قصرت معها
ذياب: تعرف ولد عمك ما يقدر
زياد: عن اذنك
ذياب: وين ؟؟؟
زياد: بروح أأدب بنت عمك ....بعد وين بروح اكلم طلال
واستأذن زياد عشان يكلم طلال
بعد ما سكر زياد عن خويه راح عند الرجال وطلب من احمد يجيب له ماي
وشوق في هالوقت كانت في المطبخ تجهز الحلا حق الحريم وياها رهف
رهف: شويق وش سويتي
شوق: هههههههههه قلت لك ماعرف
رهف: طسي عني ..... ماعرف ولاتبين تشردين
شوق: يا حليلي أنا اشرد لا والف لا ..... الله معجنات
رهف : يا ويلك اذا لمستيهم
شوق: وليه؟؟؟؟
رهف: أنا مسويتهم حق ذياب
شوق: ياعيني على الحب
رهف: انطمي لا أدوس بطنك
وهم يكملون شغلهم .... بعدين غنت شوق
(أرقصيييي مع نبض قلبي والقصيد.. داعبي بحر الشعر قبل الرقاد.... وكملت رهف ....بالأنام من طوع الحرف العنيد وارسمي بلوحات حروفي الوداد) بعد ماخلصو الاغنيه
اسمعون حد يصفق لهم لفو جهة الصوت وشافوا احمد واقف...
رهف: احمد... ليه واقف هنا
احمد: ههههههه جيت اجيب لزياد ماي وسمعتكم تغنون قلت ماابغى اقاطعهم
رهف: اهاااااااااااااااا اجل صب لهم الماي وطس
احمد:ههههههههه طيب لاتاكليني
سلامه: شويق ورهيف كل هذا تجهزون .... لحظه صمت .......وشافوا غبار رجولهاااا
شوق: هههههههههههههههههههه سلاموه يالخبله هههه
احمد: هههه حرام عليك ماشافتني
شوق: ههههههه مسكينه
ودخل عليهم عبدالرحمن: حمود وين الماي
احمد: هذا هو؟
عبدالرحمن: طيب وده
احمد: كل من رهيف وشويق جلسوا يسالفون معي
رهف: حميد ياكذاب
عبدالرحمن: خلصنا روح وانتي شويق روحي نادي لي ذوق
شوق: نعم وش قلت؟؟؟
عبدالرحمن: صمخه نادي لي ذوق
شوق: وش فيكم انتوا علي واحد يقولي طرمه والثاني صمخه شتبون مني انتوا؟؟
عبدالرحمن: هههههه ل